Правакацыйны надпіс з’явіўся 1 жніўня на вуліцы Savičiaus на будынку Еўрапейскага гуманітарнага ўніверсітэта. Ён адрасаваны лідарцы беларускіх дэмакратычных сіл Святлане Ціханоўскай, паведамляе «Новая газета. Балтия».
Адзін з мінакоў сфатаграфаваў яе і даслаў у рэдакцыю. Здымак ён зрабіў у 16.30 у сераду. «Ціханоўская, прэч з нашага горада», — напісана на сцяне.
Адзначаецца, што надпіс зроблены з памылкамі. Па-першае, у тэксце няма коскі, а слова «нашага» па-літоўску напісана няправільна (правільна было б пісаць mūsū).
Нядаўна вандалы падобным спосабам апаганілі будынак беларускай крамы Kropka ў Вільнюсе. Яны тады напісалі: «Вяртайцеся дадому, беларускія свінні». Надпіс быў зроблены на літоўскай мове. Уладальнікі крамы тады дапусцілі, што гэта была правакацыя з боку «лукашыстаў». Яны таксама абвясцілі збор сродкаў на рамонт.
Таксама выданне адзначае, што ў абодвух надпісах падобным чынам напісаныя літары «А», «N» і «j», рабілі надпісы відавочна спяшаючыся. Магчыма, гэта адны і тыя ж правакатары.