Падтрымаць каманду Люстэрка
Беларусы на вайне
  1. Што кажа полк Каліноўскага пра свайго былога байца, затрыманага КДБ? Даведаліся
  2. Силовики заявили о «доставке в Беларусь» двоих человек: калиновца и экс-кандидата в Координационный совет, подозреваемого в связях с КГБ
  3. Вы ведалі, што праз банкаўскую картку можна зарабіць «крыміналку»? Нацбанк укараняе новаўвядзенні для «пластыку» — падрабязнасці
  4. «Прапановы ўжо закідваюць — колькі чалавек трэба, на якія сферы». Кіраўнік аднаго з раёнаў — пра пакістанцаў і іншых рабочых мігрантаў
  5. «Быў упэўнены, што я недатыкальная асоба для расіян». Першае інтэрв'ю Юрася Зянковіча на свабодзе
  6. Ці ўключаць у кватэрах ацяпленне «хаця б напалову» праз пахаладанне? Камунальнікі адказалі
  7. Даляр паспеў патаннець за кароткі тыдзень: чаго чакаць ад курсаў у пачатку траўня? Прагноз па валютах
  8. Ёсць падстава трапіць пад «адміністратыўку», пра якую вы можаце не ведаць (і моцна здзівіцца, калі гэта адбудзецца)
  9. Атаковали в районе Теткино, разрушили мост через реку Сейм — что происходит в Курской области, где накануне активизировались ВСУ
  10. «Фермерам далі зарабіць, пралічыліся». Турчын і кіраўнік КДК паведамілі Лукашэнку пра недахоп бульбы — дакументы трапілі да «Люстэрка»
  11. На буйных заводах не хапае тысячы работнікаў. Іх завабліваюць заробкамі амаль да 7000 рублёў: расказваем, каго і на якія грошы шукаюць
  12. Жыхарам Гомельшчыны, прызнаным «дармаедамі», пачалі рассылаць «позвы» з міліцыі — «Флагшток»
  13. Увялі чарговае пенсійнае змяненне
  14. «Тунеядцев» зовут в милицию. Спросили у чиновников, зачем подключили силовиков, а у юристов — можно ли не идти
  15. Потерянное десятилетие? Сравнили, как выросли экономики соседей за 10 лет и как на их фоне выглядит Беларусь
Читать по-русски


Да трапляння ў ШІЗА Марыя Калеснікава не скардзілася на здароўе, стала вядома «Люстэрку». Паводле інфармацыі суразмоўцы, яе родныя ўсё яшчэ не ведаюць дыягназу — медыкі толькі змаглі ім сказаць, што «зрабілі ўсё неабходнае і ўсё нармальна». Расказваем, што вядома пра шпіталізацыю палітзняволенай.

Мария Колесникова. Фото: TUT.BY
Марыя Калеснікава. Фота: TUT.BY

Суразмоўца «Люстэрка» на ўмовах ананімнасці расказала, што родныя і адвакат усё яшчэ не бачылі Марыю пасля трапляння ў бальніцу — у палату да яе нікога не пускаюць:

— Наколькі мне вядома, падчас размовы бацькі з дактарамі быў як мінімум адзін супрацоўнік праваахоўных органаў і, відаць, не самага малодшага ўзроўню, таму што вельмі ўважліва сачыў, што вымаўляюць дактары — каб яны не сказалі нічога пра здароўе Машы.

Вядома, што Марыя застаецца ў хірургічным аддзяленні бальніцы хуткай медыцынскай дапамогі Гомеля. Родным да гэтага часу не паведамілі дыягназ. Таксама блізкія Калеснікавай не ведаюць, у якім стане знаходзіцца Марыя і як яе лечаць.

— Груба кажучы, ім толькі суха сказалі, што ўсё нармальна і што зрабілі ўсё неабходнае. А што насамрэч з ёй, можна будзе даведацца, калі яе блізкія сваякі або адвакат змогуць трапіць у палату, пагаварыць з самой Марыяй і паглядзець медыцынскія дакументы. Але бацька Машы цяпер ужо адчувае сябе спакайней, таму што хоць бы ёсць упэўненасць, што яна жывая. У бальніцы пацвердзілі, што яна туды паступала, пераводзілася ў іншае аддзяленне, — расказаў наш суразмоўца.

Між тым 22 лістапада стала вядома, што Калеснікава знаходзіцца ў ШІЗА, але колькі часу — невядома. У той жа дзень да яе не пусцілі адваката. Знаходзілася яна там да таго, як трапіла ў бальніцу ці не, таксама не вядома.

— Наколькі я ведаю, блізкім на здароўе Маша не скардзілася і да трапляння ў ШІЗА была ў выдатнай форме, — тлумачыць наш суразмоўца.

Як піша тэлеграм-канал штаба Віктара Бабарыкі, адваката Уладзіміра Пыльчанку 29 лістапада не дапусцілі да Калеснікавай, спаслаўшыся на тое, што яна не напісала заяву на сустрэчу. Да гэтага абаронца яшчэ двойчы беспаспяхова спрабаваў трапіць да яе ў калонію. У адміністрацыі ўстановы пра шпіталізацыю яму таксама нічога не сказалі.

Паводле інфармацыі штаба, Пыльчанка накіроўваў у пракуратуру і УДВК скаргі на адмовы ў допуску да сваёй падабароннай і адзначаў, што баіцца за стан яе здароўя. Рэакцыі на звароты з боку органаў нагляду не было.

Нагадаем, 29 лістапада стала вядома пра шпіталізацыю 40-гадовай Марыі Калеснікавай. Яе паклалі ў першае хірургічнае аддзяленне і перавялі ў рэанімацыю бальніцы хуткай медыцынскай дапамогі ў Гомелі. Адвакат Калеснікавай заявіў, што яе даставілі ў бальніцу з хірургічнай паталогіяй і прааперавалі 28 лістапада.

У штабе 30 лістапада паведамілі, што бацька Марыі Аляксандр Паўлавіч знаходзіцца ў бальніцы Гомеля. Яго камунікацыя з дактарамі праходзіць у прысутнасці супрацоўнікаў МУС. У паведамленні гаварылася, што аперацыя прайшла планава і паспяхова, Марыя ў свядомасці, атрымлівае неабходнае лячэнне, але яна ўсё яшчэ ў цяжкім стане. Медыкі адмаўляліся паведамляць дыягназ бацьку: на гэта нібыта патрэбныя заява або распіска ад Марыі. Паводле непацверджанай інфармацыі, у яе прабадная язва. Пра тое, што палітзняволеная паступіла з праблемамі са страўнікам, паведамлялі і крыніцы «Люстэрка».

Суд прызначыў паплечніцы Віктара Бабарыкі Марыі Калеснікавай 11 гадоў агульнага рэжыму. Яна адбывае пакаранне ў ПК-4 Гомеля.