Беларускія ратавальнікі ў Турцыі дасталі з-пад абломкаў двух чалавек, якія праляжалі пад заваламі больш за восем сутак

14 лютага 2023 у 1676366040
«Зеркало»

Беларускія ратавальнікі, якія знаходзяцца з гуманітарнай місіяй у Турцыі, дасталі з-пад завалаў двух чалавек. Пра гэта паведаміла 14 лютага прэс-служба МНС.

Пацярпелыя прабылі пад абломкамі разбуранага землятрусам будынка больш за восем сутак.

Нагадаем, магутны землятрус адбыўся на паўднёвым усходзе Турцыі і Сірыі ў ноч з нядзелі на панядзелак, 6 лютага. Спачатку паведамлялася, што яго магнітуда - 7,4, пасля яе павысілі да 7,7. Прэзідэнт Турцыі Рэджэп Таіп Эрдаган назваў землятрус найбуйнейшым стыхійным бедствам для краіны з 1939 года. Разбуральныя падземныя штуршкі працягнуліся і на наступны дзень.

Паводле апошніх звестак, у выніку землятрусу ў Турцыі і Сірыі загінула больш за 37 тысяч чалавек. Сярод іх ёсць і беларусы.

Спецыяльны ратавальны атрад беларускага МНС «Зубр», атэставаны па міжнародных стандартах ААН для правядзення ратавальных аперацый у разбураных будынках, адправіўся ў Турцыю ў першыя ж суткі пасля разбуральнага землятрусу. 11 лютага стала вядома, што беларускія ратавальнікі знайшлі жывымі пад заваламі трох чалавек.

14 лютага Мінабароны Беларусі адправіла атрад ваенных медыкаў на дапамогу пацярпелым у разбураныя землятрусам раёны Сірыі.