«Трэба рыхтавацца да ўсяго». Лукашэнка заклікаў медыкаў інтэнсіўна супрацоўнічаць з вайскоўцамі

5 снежня 2022 у 1670240400
«Зеркало»

Беларускія медыкі павінныя цесна супрацоўнічаць з вайскоўцамі. Такое даручэнне даў міністру аховы здароўя Дзмітрыю Піневічу Аляксандр Лукашэнка падчас нарады 5 снежня.

Расійскі палявы шпіталь, які разгарнулі ў Беларусі ў рамках вучэнняў. Скрыншот відэа «Звязды»

Лукашэнка нагадаў, што на мінулым тыдні абмяркоўваў з сілавым блокам пытанні нацыянальнай бяспекі.

- Гэта вельмі важна і актуальна. Задзейнічаныя ўсе былі, у тым ліку і ахова здароўя. Ад медыцынскіх аптэчак да прывядзення ў нармальны стан лячэбных установаў. Падключаемся і да ваенных медыкаў, а вайскоўцы да нас. Тут мусіць быць вельмі інтэнсіўны абмен, - сказаў ён (цытата паводле прэс-службы). - Вы самі ваенны хірург, ведаеце, як гэта важна. Таму трэба рыхтавацца да ўсяго. Усякае можа быць, і тут дзяліць няма чаго.

Лукашэнка таксама надаў увагу пытанню развіцця матэрыяльна-тэхнічнай базы беларускіх установаў аховы здароўя і адукацыі.

- Медыцынскае абсталяванне і развіццё матэрыяльна-тэхнічнай базы. Наталля Іванаўна (Качанава. - Заўв. рэд.), я вас папрашу, каб ва ўрадзе гэтае пытанне - вазьміце на кантроль. Напэўна, нам трэба перастаць будаваць палацы як у ахове здароўя, так і ў адукацыі, - сказаў Лукашэнка (цытата паводле прэс-службы).

Чытайце таксама